“Келажак мероси” халқаро мукофотини таъсис этиш тўғрисида”ги Президент қарори (ПҚ–330-сон, 03.11.2025 й.) қабул қилинди.

Қарорга кўра, “Келажак мероси” халқаро мукофоти таъсис этилади.

Халқаро мукофот учун танловлар 2025 йилдан бошлаб ҳар йили қуйидаги йўналишларда ўтказиб борилади:

▪️ адабиёт;
▪️ маданий мерос;
▪️ театр ва кино;
▪️ мусиқа ва рақс;
▪️ тасвирий ва амалий санъат;
▪️ мода ва дизайн;
▪️ илм-фан, таълим ва рақамли технологиялар.

Халқаро мукофотнинг ҳар бир йўналиши бўйича ғолиблар статуэтка, диплом ва 10 минг АҚШ доллари миқдоридаги 1 марталик пул мукофоти билан тақдирланади.

Ғолибларга Халқаро мукофот тантанали равишда топширилади.