Бугун "Мадад" нодавлат нотижорат ташкилотида муҳим учрашув бўлиб ўтди!

Ташкилотнинг Ижрочи директори Ш.Саидов ЮНЕСКОнинг Ўзбекистондаги ваколатхонаси Коммуникация ва ахборот бўлими дастур раҳбари Бахромжон Раджапов билан учрашди.

Учрашувдан кўзланган асосий мақсад – "Мадад" ННТнинг кенг қамровли фаолиятини таништириш ва ЮНЕСКО билан турли йўналишларда истиқболли ҳамкорлик алоқаларини ўрнатиш имкониятларини муҳокама қилиш бўлди.

Ташкилот ўз эксперт салоҳияти ва бой тажрибаси билан ЮНЕСКОнинг Ўзбекистондаги миссиясини қуйидаги ҳуқуқий йўналишларда қўллаб-қувватлашга тайёрлигини билдирди:

Таълим соҳасида: Таълим тизимини ҳуқуқий жиҳатдан такомиллаштириш ва фуқароларнинг таълим олиш ҳуқуқларини ҳимоя қилиш.

Маданий меросни асраш соҳасида: Маданий мерос объектларини ҳуқуқий ҳимоя қилиш механизмларини мустаҳкамлаш.

Ёшлар ва фуқаролик жамиятини ривожлантириш соҳасида: Ёшларнинг ҳуқуқий онгини ошириш ва фуқаролик жамияти институтларининг ҳуқуқий базасини мустаҳкамлаш.

Ахборот ва рақамли технологиялар соҳасида: Рақамли ҳуқуқлар, маълумотлар ҳимояси ва киберхавфсизликни таъминлашда ҳуқуқий асосларни ривожлантириш.

Барқарор ривожланиш ва экология соҳасида: Экологик ҳуқуқ ва барқарор ривожланиш мақсадларига эришишда ҳуқуқий механизмларни қўллаш.

Учрашув ўзаро англашув ва конструктив мулоқот руҳида ўтди. Ишончимиз комилки, ушбу ҳамкорлик ЮНЕСКОнинг Ўзбекистондаги дастурларини амалга оширишга ва фуқаролик жамиятини ривожлантиришга муносиб ҳисса қўшади.