Бугун "Мадад ННТ" ижрочи директори Ш.Саидов Туркия ҳамкорлик ва тараққиёт агентлиги (ТИКА) нинг Ўзбекистондаги ваколатхонаси раҳбари Эсин Аджар Эргин хоним билан келгуси хамкорликлар юзасидан учрашув ўтказди.

Учрашув давомида "Мадад ННТ"нинг фаолияти, хусусан, аҳолига ҳуқуқий ёрдам кўрсатиш ва ижтимоий лойиҳаларни амалга ошириш борасидаги кенг кўламли ишлари таништирилди.

Суҳбат чоғида келгусидаги ҳамкорлик йўналишлари, жумладан, фуқаролик жамиятини ривожлантириш, ҳуқуқий саводхонликни ошириш ва ижтимоий аҳамиятга молик лойиҳаларни биргаликда амалга ошириш бўйича истиқболли режалар белгилаб олинди. 

Ушбу ҳамкорлик "Мадад ННТ"нинг имкониятларини янада кенгайтириб, аҳолига кўрсатилаётган хизматлар самарадорлигини оширишга хизмат қилади.