Жорий йилнинг 24 июль куни  Наманган вилояти Чуст тумани 16-сонли болалар мусиқа ва санъат мактабининг биносида БМТ Тараққиёт дастурининг "Ўзбекистонда инсон ҳуқуқларини ҳимоя қилиш ва қонун устуворлигини мустаҳкамлаш" лойиҳаси доирасида “Мадад” ННТ масъул ходимлари, ҳудудий адлия органлари вакиллари, маҳалла фаоллари ва аҳоли вакиллари иштирокида учрашув ташкил этилди.

⇒ Учрашувда иштирок этган "Мадад" ННТ Ижрочи директори маслаҳатчиси Қ.Тоғаев, бўлим бошлиғи А.Эзозхонов ва бош мутахассиси Ш.Мажидовлар томонидан “Ўзбекистонда инсон ҳуқуқларини ҳимоя қилиш ва қонун устуворлигини мустаҳкамлаш” лойиҳасининг асосий мақсади ва вазифалари, мамлакатимизда аҳолига бепул юридик ёрдам кўрсатиш тизими, болалар нафақасини тайинлаш, моддий ёрдам бериш ва субсидия ажратишнинг тартиб-таомиллари, оилавий муносабатларга оид ҳуқуқий масалалар юзасидан фуқароларга ҳуқуқий маслаҳат ва тушунтиришлар берилди.

Шунингдек, учрашув давомида соҳа мутахассислари иштирокида аҳоли вакиллари учун ҳуқуқий сайёр қабул ҳам ташкил этилди.

⇒ Шунингдек, тадбирда 50 та фуқароларга уларнинг сўровларига кўра, суд ва давлат органларига мурожаат қилишлари ҳамда тегишли ҳужжатлар лойиҳаларини тайёрлаш юзасидан амалий ёрдам кўрсатилди.

Жорий йилнинг 25 июль куни  Наманган вилояти Поп тумани "Абу Али Ибн Сино" номидаги тиббиёт техникуми биносининг мажлислар залида БМТ Тараққиёт дастурининг "Ўзбекистонда инсон ҳуқуқларини ҳимоя қилиш ва қонун устуворлигини мустаҳкамлаш" лойиҳаси доирасида “Мадад” ННТ масъул ходимлари, ҳудудий адлия органлари вакиллари, маҳалла фаоллари ва аҳоли вакилларида иштирокида учрашувлар давом эттирилди.

⇒ Учрашувда фуқароларга ҳуқуқий масалалар юзасидан ҳуқуқий маслаҳат ва тушунтиришлар берилди. Шунингдек, учрашув давомида соҳа мутахассислари иштирокида сайёр қабул ҳам ташкил этилди.

⇒ Шунингдек, тадбирда 50 та фуқароларга уларнинг сўровларига кўра, суд ва давлат органларига мурожаат қилишлари ҳамда тегишли ҳужжатлар лойиҳаларини тайёрлаш юзасидан амалий ёрдам кўрсатилди.