Жорий йилнинг 16 апрель куни "Мадад" ННТ томонидан Тошкент давлат юридик университети билан ҳамкорликда университет талабалари иштирокида учрашув ташкил этилди.

Ушбу учрашувдан кўзланган асосий мақсад талаба ёшларга Муассасанинг асосий фаолиятини яқиндан таништириш ва улардан кўнгилиларини ушбу соҳада жамоатчилик асосида фаолият олиб боришга сафарбар этишдан иборат.

Тадбирда, Тошкент давлат юридик университети ректори в.в.б И.Р.Рустамбеков, Ўзбекистонда аҳолига бепул юридик ёрдам кўрсатиш тизимида Муассасанинг тутган аҳамияти ва ўрни ҳақида маълумот берган бўлса, Муассаса ижрочи директори Ш.К.Саидов томонидан Муассасанинг асосий вазифалари ҳақида сўз юритилиб, ҳар бир бўлажак ҳуқуқшунослар мазкур Муассасада ўз меҳнат фаолиятини юритиши орқали ўзларининг назарий билимларини амалиёт билан узвий боғлаган ҳолда янада мустаҳкамлашликлари мумкинлигини таъкидлади. 

Шунингдек, учрашув давомида сўзга чиққан Муассаса маъсул ходимлари томонидан сўнгги йилларда Муассасада амалга оширилган ишлар, Муассасага ишга қабул қилиш тартиби бўйича учрашув қатнашчиларига батафсил маълумотлар берилди. 

Тадбирда Муассасасининг ёш кадрлари томонидан талабаларга ташкилотда ёш кадрлар учун яратилган шарт-шароит ва имкониятлар, ўз назарий билимларини ошириш ҳамда тажриба ортириш учун жуда бой мактаб эканлиги хусусида батафасил тушинтиришлар берилди.

Тадбир якунида учрашув қатнашчилари ўзларини қизиқтирган саволларга мутахассислардан тегишли жавоблар олишди.

Келгусида “Мадад” ННТ томонидан ёш ҳуқуқшунослар билан бундай учрашув тадбирлари бошқа олий таълим муассасаларида ҳам давом эттириб борилади.