Болани ихтисослаштирилган мактабгача таълим ташкилотига жойлаштириш

Давлат ихтисослаштирилган мактабгача таълим ташкилотларида ривожланишида жисмоний ёки психик нуқсонлари бўлган 2 ёшдан 7 ёшгача болалар учун махсус гуруҳлар ташкил этилади.

Бундай гуруҳлар:

нутқида, эшитишида ёки кўришида оғир нуқсонлари бўлган;
психик ривожланиши кечикаётган;
ақлий ривожланишида нуқсонлари бўлган;
таянч-ҳаракат аппаратида нуқсонлари бўлган болалар учун ташкил этилиши мумкин.

Қабул қилиш учун зарур ҳужжатлар

Бола ихтисослаштирилган мактабгача таълим ташкилотига бўш ўрин мавжуд бўлганда календарь йил давомида қабул қилинади.

Қабул қилиш учун:

психологик-тиббий-педагогик комиссиянинг белгиланган тартибда берилган хулосаси;
боланинг белгиланган шаклдаги тиббий картаси;
профилактик эмлаш картаси тақдим этилади.

Қўшма турдаги мактабгача таълим ташкилотининг махсус ёки инклюзив гуруҳига қабул қилишда боланинг қонуний вакили аризаси ҳам талаб этилади.

Комиссия хулосаси

Психологик-тиббий-педагогик комиссия:

боланинг ривожланиш ҳолатини баҳолайди;
унга мос таълим шакли ва гуруҳни белгилайди;
ихтисослаштирилган ташкилотда бўлиш муддатини;
коррекцион-педагогик ишлар давомийлигини белгилайди.

Боланинг ташкилотда бўлиш муддати ҳар бир ҳолат бўйича алоҳида белгиланади. Зарур бўлганда бола қайта текширувга юборилади.

Қабулни расмийлаштириш

Болани қабул қилиш мактабгача таълим ташкилоти билан қонуний вакил ўртасида тузиладиган шартнома ва ташкилот раҳбарининг буйруғи билан расмийлаштирилади.

Ташкилотда бола учун унинг соғлиғи ва ривожланиш хусусиятларига мос:

таълим-тарбия;
коррекцион-педагогик ёрдам;
реабилитация;
парвариш ва соғломлаштириш шароитлари яратилади.

Қачон бола ташкилотдан чиқарилади?

Бола қуйидаги асосларда чиқарилиши мумкин:

қонуний вакилнинг аризаси;
тиббий кўрсатмалар;
шартнома шартлари бажарилмаслиги;
ташкилот тиббий-психологик-педагогик кенгашининг хулосаси;
комиссия белгилаган бўлиш муддати тугаши;
боланинг мактаб ёшига — 7 ёшга етиши.

Норматив ҳужжатлар

Ўзбекистон Республикаси Вазирлар Маҳкамасининг 2019 йил 13 майдаги 391-сон қарори