✅ Ер участкасини олиб қўйиш Вазирлар Маҳкамасининг 911-сонли қарори билан тасдиқланган низом асосида амалга оширилади. Унга кўра, ер участкаси бузилишидан олдин Сиз билан ҳокимлик ёки инвестор ўртасида компенсация тури, миқдори келишилади ва ушбу келишув нотариал тартибда тасдиқланади. Келишилган компенсация қоплаб берилмагунча уй бузилишига йўл қўйилмайди.

✅ Фуқаролик кодексининг 187-моддасида эгалик қилиш ҳуқуқини вужудга келтирувчи муддат назарда тутилган бўлиб, бунда мулкдор бўлмаган, лекин кўчмас мол-мулкка 15 йил давомида ўзиники каби ҳалол, ошкора ва узлуксиз эгалик қилган шахс ушбу мол-мулкка мулк ҳуқуқини олиши мумкинлиги кўрсатилган.

✅ Қурилиш мақсадлари учун ажратилган ер участкаларида, иморат қуриш учун тегишли руҳсатнома олмасдан, архитектуа ва қурилиш нормаларини бузган ҳолда қурилган кўчмас мулклар ўзбошимчалик билан қурилган иморат деб топилади. Иморатни қурган шахс 15 кунлик муддат ичида уни бузиб ташлаши шарт. Агарда шу мудат ичида бузиб ташланмаса туман ҳокими ҳузуридги тегишли комиссия томонидан суд тартибида амалга оширилади.

✅ Фуқаролик кодексининг 1146-моддасига кўра, Сиз мерос очилган жойдаги нотариусдан меросга бўлган ҳуқуқ тўғрисида гувоҳнома оласиз, шунингдек, меросни қабул қилиб олган меросхўрлардан бири мероснинг тақсимланишини талаб қилишга ҳақли, агарда меросни тақсимлашда меросхўрлар келишувга эриша олмаса суд тартибида амалга оширилади. Кейин ҳар ким ўз меросига нисбатан туман кадастр бўлимига мурожаат қилишлари мумкин бўлади.

✅ Истеъмолчи яшамайдиган ва хизмат сафарига кетган вақтда хонадонини табиий газ тармоғидан узиш учун тумангаз филиали раҳбари номига ариза асосида мурожаат қилиб, табиий газ тармоғидан вақтинча узилади. Дебитор қарздорлиги мавжуд хонадонлар шартнома шартларига асосан, огоҳлантириш берилгандан сўнг, 10 кундан кейин табиий газ тармоғидан узилади.

✅ Истеъмолчи табиий газ тармоғига уланиши учун аниқланган қарздорлик тўланганлиги бўйича тўлов қоғози (квитанция) нусхасини тақдим этгандан сўнг, тумангаз раҳбари номига ариза билан мурожаат қилиб, истеъмолчи ҳисобидан табиий газ тармоғига қайта уланиши мумкин.

1. Кимларга электр ва газ тўловларининг бир қисми компенсация қилиб берилади?

× Ижтимоий ҳимоя реестирига киритилган ойлик даромади ҳар бир оила аъзосига 669 минг сўмдан  кам оилалар;

× Реестрларга киритилмаган, Реестрларга кирмаган, аммо мол-мулки кам ва ойлик даромади ҳар бир оила аъзосига 1 млн 3 минг 500 сўмдан кам бўлган оилалар

2. Компенсация миқдори қанча?

× электр учун – ойига базавий меъёрдан (яъни, 200кВт соатдан) ортиқ фойдаланилган 150 кВт соатгача;

× газ учун – ноябрь-февраль ойларида базавий меъёрдан (яъни, 500 куб метрдан) кўп фойдаланилган 250 куб метргача, бошқа даврларда эса 150 куб метргача ортиқ фойдаланилган қисми учун.

3. Компенсация олиш учун қаерга мурожаат қилиш керак?

× Компенсация олиш учун “Инсон” ижтимоий хизматлар марказлари ёки маҳаллаларда фаолият юритувчи ижтимоий ходимларга мурожаат қилиш керак.

× Бунда аризада паспорт маълумотлари, абонент рақами ва телефон рақами кўрсатилади.

× Аризалар ҳар ойнинг 15-санасига қадар қабул қилинади.

4. Компенсация ҳар ой тўлаб бериладими?

× Компенсация олувчи оилаларнинг мезонларга мослиги ҳар ойда автоматик ўрганилиб, мезонларга мос келган тақдирда, кейинги ойлар учун алоҳида мурожаат талаб этмаган ҳолда компенсация тўлови давом эттирилади.

5. Иситиш мавсумида кимларга бир марталик моддий ёрдам ажратилади?

2025/2026 йил иситиш мавсумида ноябрь ойида қуйидаги оилаларга 1 млн сўмдан бир марталик моддий ёрдам ажратилади:

× реестрларга киритилган оилаларга;

× “маҳалла еттилиги” хулосаси асосида Реестрларга киритилмаган, ёрдамга муҳтож оилаларга.

Бунда “маҳалла еттилиги” томонидан қўшимча рўйхат шакллантирилишида, биринчи навбатда, қуйидагилар инобатга олинади:

× боқувчисини йўқотган оилалар;

× аъзолари I ёки II гуруҳ ногирони бўлган шахслардан иборат оилалар;

× ногиронлиги бўлган болаларни парваришлаётган оилалар;

× узоқ даволанишни талаб этадиган касалликлар билан касалланган шахслар яшовчи оилалар;

× ўзгалар парваришига муҳтож ёлғиз яшовчилар ва ёлғиз кексалар;

× ногиронлиги бўлган шахслар;

× 3 ва ундан ортиқ оила яшайдиган хонадонларда ҳамда газ бўлмаган ва марказлаштирилган тартибда иситилмайдиган кўп қаватли уйларда яшовчи оилалар.