18.03.2026 - O‘zbekiston milliy tabiiy meros ob’ektlarining maqomi belgilandi

Hukumat qarori (106-son, 16.03.2026-y.) bilan “O‘zbekiston milliy tabiiy meros ob’ektlari to‘g‘risida”gi nizom tasdiqlandi.

Nizom O‘zbekiston milliy tabiiy meros ob’ektlarining maqomi, turlari, ro‘yxatini shakllantirish hamda hududlarida qurilish ishlarini amalga oshirish tartibini belgilaydi.

Ekologiya va iqlim o‘zgarishi milliy qo‘mitasi mazkur sohada vakolatli organ hisoblanadi.

Nizomga ko‘ra, O‘zbekiston milliy tabiiy meros ob’ektlari quyidagi turlarga bo‘linadi:

▫️ biologik;
▫️ geologik;
▫️ gidrologik;
▫️ paleontologik.

Taklif etuvchi tabiiy ob’ektni O‘zbekiston milliy tabiiy meros ob’ektlari ro‘yxatiga kiritish masalasini ko‘rib chiqish bo‘yicha takliflarni vakolatli organning hududiy bo‘linmasiga taqdim qiladi.

Taklifga quyidagilar ilova qilinadi:

▪️ tabiiy ob’ekt to‘g‘risida ma’lumotnoma;
▪️ uning geolokatsiyasi;
▪️ foto va video tasvirlar.

Taklif 15 ish kuni ichida ko‘rib chiqiladi.

Hududiy bo‘linma tabiiy ob’ektning belgilangan talablarga javob berishini joyiga chiqqan holda o‘rganib chiqib, natijasi bo‘yicha dalolatnoma tuzadi.

✅ Vakolatli organ hududiy bo‘linma tomonidan yuborilgan hujjatlarni 5 ish kuni ichida ko‘rib chiqib, tabiiy ob’ektni vakolatli organning buyrug‘i asosida O‘zbekiston milliy tabiiy meros ob’ektlari ro‘yxatiga kiritadi.

Maqola foydali bo‘ldimi?

Bo‘limlar