REFERENDUM

(lot. referendum – xabar berilishi lozim bo‘lgan narsa) – davlat yoki ijtimoiy hayotning muhim masalalari bo‘yicha saylovchilarning ovoz berishidir, ya’ni alohida jamiyat va davlat ahamiyatiga molik masalani hal qilish uchun umumxalq ovoziga, so‘roviga qo‘yilishi. R. – eng muhim masalalarni fuqorolarining bevosita ishtirokida hal qilish. R. – umumxalq ovozi hisoblanadi. U mamlakat hayotidagi muhim masalalarni hal qilish, qonunlar qabul qilish uchun o‘tkaziladi. R. kuni, unda hal qilinadigan masalalar Oliy Majlis tomonidan belgilanadi. R.da byulletenga savollar yozilgan bo‘lib, fuqarolar ularga nisbatan o‘z munosabatlarini bildiradilar. R.da ovoz berish yashirin o‘tkaziladi. R. xalqning jamiyat va davlat ishlarida ishtirokini ta’minlovchi muhim vosita.