Ixtisoslashtirilgan ta’lim muassasalarini tashkil etish tartibi

Muassasani kim tashkil etadi?

Ixtisoslashtirilgan ta’lim muassasalari:

Qoraqalpog‘iston Respublikasi Vazirlar Kengashi;
viloyatlar hokimliklari;
Toshkent shahar hokimligi tomonidan tashkil etiladi.

Tashkil etilgan muassasa hududiy tegishliligi bo‘yicha Davlat xizmatlari markazida davlat ro‘yxatidan o‘tkaziladi.

Muassasa tashkil etilishiga nima asos bo‘ladi?

Muassasani tashkil etishdan oldin hududda:

alohida ta’lim ehtiyojlari bo‘lgan bolalar soni;
ularning maxsus sharoitlarda ta’lim olishga ehtiyoji;
tegishli ta’lim muassasalari va bo‘sh o‘rinlar mavjudligi;
sog‘liqni saqlash organlarining rasmiy statistika ma’lumotlari o‘rganiladi.

O‘rganish Maktabgacha va maktab ta’limi vazirligining hududiy boshqarmalari hamda sog‘liqni saqlash organlari ishtirokida amalga oshiriladi.

Taklif qanday tayyorlanadi?

Alohida ta’lim ehtiyojlari bo‘lgan bolalarning tegishli kontingenti mavjudligi aniqlansa, Maktabgacha va maktab ta’limi vazirligi Sog‘liqni saqlash vazirligi bilan birgalikda muassasani tashkil etish to‘g‘risida asoslantirilgan taklif kiritadi.

Taklif muassasa tashkil etilishi rejalashtirilayotgan hududdagi rasmiy statistika ma’lumotlari bilan asoslantirilishi kerak.

Bino yoki er uchastkasi qanday tanlanadi?

Taklif kelib tushganidan keyin mahalliy ijro etuvchi hokimiyat organlari:

mavjud binolardan mos ob’ektni tanlash;
yoki normativ talablarga muvofiq yangi bino qurish uchun er uchastkasi ajratish masalasini tegishli moliya, ta’lim va boshqa vakolatli organlar bilan birgalikda o‘rganadi.

Muassasa ekologik jihatdan qulay hududda, sanitariya va shaharsozlik talablariga javob beradigan bino yoki er uchastkasida tashkil etilishi lozim.

Qaror qabul qilish

Tegishli ta’lim va moliya organlarining ijobiy xulosalari mavjud bo‘lganda, muassasani tashkil etish to‘g‘risidagi qaror:

Qoraqalpog‘iston Respublikasi Vazirlar Kengashi;
viloyat hokimligi;
yoki Toshkent shahar hokimligi tomonidan qabul qilinadi.

Muassasaning faoliyat yo‘nalishi hududdagi bolalarning ta’lim ehtiyojlari, sog‘lig‘i va zarur maxsus sharoitlardan kelib chiqib belgilanadi.

Normativ hujjatlar

O‘zbekiston Respublikasi Vazirlar Mahkamasining 2021-yil 12 oktyabrdagi 638-son qarori

Maqola foydali bo‘ldimi?

Bo‘limlar